13.02.2024. Мектебімізде Кеңес әскерлерінің Ауған жерінен шығуына 35 жыл және Тәжік-ауған шекарасын қорғаушыларға 23 жыл толуына орай, "Ешкім соғыс үшін жаратылмаған" атты тәрбие сағаты ұйымдастырылды. Мақсаты: Ауған соғысы жайлы толық мәлімет беру, өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету; Ауған соғысында шаһид болған жауынгерлердің рухына тағзым етуге, есімдерін қастерлеуге тәрбиелеу, патриоттық рух беру. Жиынға жерлес ардагерлеріміз Укужанов Тусупбай Досович, Абенов Кайрат Толеубаевич, Жакиянов Мерген Кимышевич, Калыков Мухтархан Жамбулович және Абеуов Кайрат Кайкенович қатысып, оқушылармен сұхбаттасты. Кездесуден кейін құрметті ардагерлеріміз оқушылар дайындаған концерттік бағдарламаны тамашалап, оқушыларымызға жылы лебіздерін білдірді.